منين الاقى الكلام .....علشان اعبر بيه لو عجزت الاقلام .......مفهومة فين معانيه
وفين الاقى الكلام .....وأقدر أقول وأحكيه لو كتبت الأقلام ........المعنى هايقول ايه
يامصر انتى الاصل.....يامصر انتى الاصل أما قليل الاصل.......هو اللى ينساكى
فضلك على الكل .......ياست ست الكل وكل شئ له حل ......وابن الاصول يهواكى
اه ياحبيبة الروح.........ياأم الفؤاد مجروح المال بيجى ويروح......زى السحاب فى سماكى
دورت على المعنى....... ملقتلهوش معنى والقلب مليان الام........ومين هايسمعنا
شعبك يامصر اصيل .....يشهد عليكى النيل قران معاه انجيل........والحب جمعنا
ياأم الرجال أبطال ........وعقول فى كل مجال ايه غير الاحوال.......مين اللى رجعنا
دورت على المعنى ......مالقتلهوش معنى والقلب مليان الام ......ومين هايسمعنا
يامصرنا ياحبنا ..........الارض دى ارضنا طول عمرنا بنحبها ......طول عمرها بتحبنا
نزرع هناك نزرع هنا......من جهدنا من كدنا ولا محتاجين لقمحهم.....ولا محتاجين اموال
بعرقنا هانقولهم ..........ان العمل موال موال فى حبك يامصر .......من غير مانتكلم
واللى ميعرفش مصر ......يجى ويتعلم واللى نسى مصر .........تاجر بأوجاعنا
دورت على المعنى ........ملقتلهوش معنى والقلب مليان الام ..........ومين هايسمعنا
يامصر انتى الاصل.......يامصر انتى الاصل اما قليل الاصل ..........هو اللى ينساكى
موضوع: يامصر انتى الاصل 
الخميس نوفمبر 17, 2011 9:56 pm
