حاجة حلــــــــــــوة ...اوى
انك طبعا يكون عندك حبيـــب ..
دا عادى ايه ال مش عادى بئا !!
حاجة حلوة ان حبيبك دا يكون شخص رومانسي
يفهم ازاى يتكلم يعبر يحس زى كل الناس
الاحلى انه يحبك بشكل مختلف .. يعنى يحبك بطريقتـــــــــه
حاجة حلوة ان حبيبك يكون فيه منك يعنى ... شبهك
ف صفاتك .. ف شكلك ... ف شخصيتك
الاحلى من كدا ان يكون هو اصلا كااان مختلف عنك وبقى شبهك
يعنى بالبلدى كدا ... بهتّ عليه
حاجة حلوة ان حبيبك يكون شخص حساس
يعنى اول ما يشوفك او يكلمك لو فرحان او متضايق
يحس بيك على طول
الاحلى من كدا انه يحس من غير ما يشوفك ولا يكلمك !!
حاجة حلوة ان حبيبك يعرف ان بتحب ايه بتكره ايه
بتحب الوان ايه ايه هى هواياتك الفيفورتس بتاعتك
الاجمل والاحلى من كدا
انه يكتشف تفاصيلك دى بنفســــه !!
حاجة حلوة ان حبيبك ميكونش شايف فيك عيوب خالص
وشايف ان فيك كل حاجة كويسة .. ^_^
الاجمل من كدا انه يبقى مرايتك لو شاف فيك الهوااا
يصححهولك
) عشان الناس كمان متشوفش فيك عيوووب
حاجة حلوة ان حبيبك مينساش التواريخ المميزة
ف حياتكو التواريخ ال ما بينكو الصوغننة دى
ألاجمل من كدا انه هو ال يفكرك بيها وهو ال يقولك عاوزين نبقى نفتكر التاريخ دا
)
حاجة حلوة ان حبيبك يجى اخر اليوم يسالك
عملت ايه ...كلمت مين خرجت ولا لا
كلت ايه صحيت امتى قابلت مين ...
الاجمل من كدا ...
انه يبقى عارف كل دا لانه عاش معاك كل تفاصيل اليوم
من اول ما تفتح عينك على صوته
لحد ما تنام وصوته اخر صوت سمعته
)
منقول
موضوع: حاجة حلــــــــــــوة 
الإثنين سبتمبر 12, 2011 7:14 pm
